Përfaqësuesja U21 e Maqedonisë sot në orën 12:00 në hotelin Park ka pasur grumbullimin  për ndeshjet e ardhshme kontrolluese kundër Armenisë dhe Maltës në Shkup.

Më 15 qershor, me fillim nga ora 17:00, përfaqësuesja U21 e Maqedonisë do të luajë ndeshjen e parë kontrolluese kundër Armenisë. Pesë ditë më vonë, në program është dueli i dytë kontrollues, në të njëjtën orë (17:00) ndaj Maltës. Të dyja ndeshjet do të luhen në qendrën stërvitore “Petar Milloshevski” në Shkup.

Futbollistët tanë të rinj do të zhvillojnë sot në orën 17:00 stërvitjen e parë në prag të dy ndeshjeve të kontrolluese.

Një nga futbollistët tanë më të mirë të rinj, Metodi Maksimov, ka dhënë opinionin e tij për ndeshjet e ardhshme të përfaqësueses së Maqedonisë dhe formën aktuale.

- Nga ndeshja në ndeshje luajmë më mirë, rritemi dhe piqemi së bashku si ekip. Në kombëtare ka një atmosferë fantastike, shpresoj që me fillimin e kualifikueseve të jemi në formë të shkëlqyer dhe të prezantohemi në një nivel të lartë. Kemi pas vetes një seri rezultatesh të shkëlqyera. Bëmë një turne të madh në Antalia edhe pse humbëm dy herë pa merituar, sidomos në ndeshjen e vendit të parë kundër Sllovakisë, ku ishim kundërshtari më i mirë gjatë gjithë 90 minutave.

- Kemi një skuadër të madhe, kemi cilësi të shkëlqyera dhe punojmë mirë si ekip. Është normale që ka vend për progres, ne përpiqemi të jemi më të mirë dhe më konkurrues nga ndeshja në ndeshje. Duam të befasojmë kundërshtarët me lojën tonë të mirë dhe luftarake.

- Duhet të besojmë në vetvete dhe në mundësitë tona sa më shumë që të jetë e mundur. Të gjithë ne si një duhet të vazhdojmë të luftojmë dhe të bëjmë më të mirën për fanellën e përfaqësueses. Duam të arrijmë dy fitore kundër Armenisë dhe Maltës dhe t'i përmbyllim në mënyrë të shkëlqyer këto përgatitje dhe serinë e ndeshjeve kontrolluese.

- Për momentin ndihem mirë fizikisht, me klubin tim Shkendija kemi dy javë e gjysmë që po stërvitemi intensivisht. Jam gati për sfidat e ardhshme që më presin me kombëtaren e Maqedonisë.

Shpresat e Maqedonisë më 8 shtator, përballë Suedisë, i fillojnë eliminatoret për kualifikim në Kampionatin Evropian 2025.