Përfaqësuesja U19 e Maqedonisë ka humbur 4:0 nga Turqia në ndeshjen e dytë kontrolluese. Në kampin stërvitor “Petar Milloshevski”, futbollistët nuk luajtën mirë në krahasim me ndeshjen e parë kontrolluese.  

Përfaqësuesja e Turqisë që nga fillimi imponoi lojën e saj, ndërsa në minutën e 22-të shkoi në epërsi me golin e Celtik. Në të 39-tën Demir shënoi golin e dytë.

Në vijim kundërshtari realizoi edhe dy gola tjerë. Celtik gjeti rrjetën për herë të dytë, duke çuar shifrat në 3:0, ndërsa Abaj në të 71-tën vulosi rezultatin final 4:0.

Maqedonia: Stefan Tasev, Lupçe Kudev, Gregori Davkov, Reshat Ramadani, Behar Fati (k), Oktaj Rakipi, Vane Kërstevski, Dashmir Elezi, Emir Saitoski, Kristijan Taseski, Ardijan Çilafi;

Seleksionues: Dashmir Beari;