Përfaqësuesja U15 e Maqedonisë ka marrë fitore ndaj Armenisë në ndeshjen e parë të turneut zhvillimor të UEFA-s që po mbahet në Moldavi.

Përfaqësuesja jonë me meritë iu gëzua triumfit pasi luajti një lojë të mirë dhe krijoi shumë mundësi shënimi.

Mundësinë e parë serioze Maqedonia e pati në minutën e 10-të, Krstevski u gjend ballë për ballë me portierin kundërshtar, por nuk arriti të realizojë. Në minutën e 24-të kundërshtari shënoi autogol për të kaluar Maqedoninë në avantazh 1:0. Në fund të 45 minutave të para patëm mundësinë të rrisim avantazhin, por nuk shfrytëzuam disa raste të mira për të shënuar.

Në vazhdim, në minutën e 62-të, Armenia barazon rezultatin. Në minutën e 81-të Alimi humbet një tjetër mundësi të mirë për Maqedoninë. Mirëpo, në minutën e 86-të Pavlov shënoi gol nga pika e bardhë për fitore të merituar të Maqedonisë me rezultat 2:1.