Përfaqësuesja U15 e Maqedonisë ka humbur me rezultat 3:2 nga Serbia në ndeshjen e dytë të zhvilluar sot në qendrën stërvitore “Petar Milloshevski” në Shkup. Ndeshja e parë mes dy ekipeve përfaqësuese u mbyll pa fitues, 2:2.

Në ndeshjen e sotme, lojtarët e seleksionuesit Rade Karanfillovski kaluan në avantazh me golin e Mitanovskit në minutën e 10-të. Mirëpo, mysafirët nga Serbia me tre gola, dy të Matijasheviqit dhe një të Maroviqit, deri në pjesën e parë shkuan në epërsi 1:3. Në fillim të pjesës së dytë, skuadra jonë arriti ta zbusë humbjen me një gol nga penalltia të realizuar nga Grashevski.