Maqedonia në Grupin G me Spanjën dhe Italinë në kualifikimet për Botërorin Rusi 2018

Publikuar më 26 Јули, 2015 në Lajme, Lajme

Në shortin për Kampionatin Botëror që në vitin 2018 do të zhvillohet në Rusi, përfaqësuesja e Maqedonisë mësoi emrat e kundërshtarëve në Grupin G: Spanja, Italia, Shqipëria, Izraeli dhe Lihtenshtejni.

Në shortin që u mbajt në Shën Petersburg, përfaqësuesja A e Maqedonisë është tërhequr në grup të vështirë, mirëpo njëkohësisht edhe atraktiv.

Pas Euro kualifikimeve, Maqedonia sërisht do të përballet me Spanjën edhe në eliminatoret për caktimin e udhëtuesve për në Kampionatin Botëror të vitit 2018 në Rusi. Maqedonia në kuadër të këtyre kualifikimeve për herë të parë do të përballet me Italinë, kundërshtar atraktiv, por jashtëzakonisht i fortë.

“Kemi marrë rivalë jashtëzakonisht atraktiv, si Spanja dhe Italia, të cilët sigurisht janë përfaqësuese me rejting shumë të madh. Për rivalë kemi edhe Shqipërinë, Izraelin dhe Lihtenshtejnin dhe nga këndvështrimi i tanishëm mund të premtoj se Maqedonia do të luajë guximshëm dhe pa kompleks ndaj gjithëve dhe se do të luftojmë për tu kualifikuar sa më lartë në tabelë. Startojmë nga vazoja e pestë, por sigurisht se në të ardhmen do të kërkojmë të gjendemi në të katërtin, por edhe të tretin. Shpresoj që me punë të palodhshme dhe me arritjen e rezultateve shumë më pozitive do të shkojmë përpara. Në këtë moment gjithë fokusin e kemi te ndeshjet e mbetura të këtij cikli kualifikues për Kampionatin Evropian në Francë”, deklaroi seleksionuesi i Maqedonisë, Lubinko Druloviq.