Përfaqësuesja e Futsallit e Maqedonisë sonte në qendrën sportive “Jane Sandanski” ka arritur një rezultat të jashtëzakonshëm 3:3 ndaj favoritëve të Italisë në ndeshjen e grupit 10 në kuadër të kualifikueseve evropiane për Botërorin 2024.

Në një ndeshje të pasigurt me shumë emocione, të përzgjedhurit e seleksionuesit Vasko Skenderovski luajtën guximshëm, me shumë dëshirë dhe me meritë e ndaluan përfaqësuesen e fuqishme të Italisë.

Heroi në ekipin tonë ishte Kërstevski, i cili në momentet e fundit të takimit arriti të shënojë për shifrat finale 3:3. Italia kishte dy gola epërsi në dy raste, por në fund nuk arriti të festojë.

Për Italinë, Motta shënoi dy herë, Lo Cicero shënoi një gol. Përveç Kërstevskit, nga një gol për ekipin tonë shënuan Ramadani dhe Petrovic.

Në ndeshjen e parë të kualifikueseve për Botërorin, Maqedonia u mposht nga Suedia me rezultat 5:2 në transfertë.

Maqedonia: Petrovski, Micevski, Rangotov, Petroviq (k), Dandan;

Në pankinë: Stojanovski, Leveski, Ismaili, Kërstevski, Ceka, Leovski, Mehmedinoviç, Ramadani, Arsovski;

Seleksionues: Vasko Skenderovski;