Maqedonia fiton kontrolluesen me Ishujt Faroe

Publikuar më 27 Март, 2023 Lajme, Lajme


Përfaqësuesja e Maqedonisë mposhti Ishujt Faroe me rezultat 1:0 në ndeshjen kontrolluese të zhvilluar në arenën “Todor Proeski” në Shkup.Golin e vetëm e shënoi Bojan Miovski në pjesën e dytë.

Njëzet minutat e para të ndeshjes kaluan pa gjuajtje në portë, me vetëm gjysmë rasti nga të dyja palët. Në minutën e 25-të, Etemi mori një pasim, kaloi portierin Reynatrod dhe shënoi, por goli u anulua për pozicion jashtë loje. Ishte minuta e 28-të, kur arbitri Savovic nuk akordi penallti për ne, pas prekjes me dorë të një prej mbrojtësve të Ishujve Faroe.

Në atë moment erdhi gjuajtja e parë në kuadër të portës kur Nestorovski u ndal me faull, por Reynatrod ishte i sigurt. Në minutën e 37-të Ezgjan Alioski pati një rast të mirë për të shënuar, por gjuajtja e tij e fortë u ndal nga shtylla. Mysafirët e patën shansin e parë vetëm në minutën e 40-të, me anë të Stefan Radosavljevic.

Në pjesën e dytë, Maqedonia pati mundësinë e parë. Darko Çurlinov bëri sllallomin në minutën e 50-të, kaloi i vetëm gjysmën e fushës, por gjuajtja e tij nuk solli problem për portierin mysafir. Pas një zëvendësimi të dyfishtë, në lojë në vend të Nestorovskit dhe Milan Ristovskit hynë Miovski dhe Elmas. Ajo solli një zhvillim të ri në lojë, por përsëri mungoi finalizimi. 

Një tjetër zëvendësim i dyfishtë pasoi, David Babunski dhe Agon Elezi hynë në lojë për të lëvizur mesfushën. Në minutën e 75-të Elezi pati një rast për të shënuar. Më pas Darko Vellkovski u zëvendësua nga Jovan Manev, ndërsa Darko Çurlinov u zëvendësua nga Ashkovski. Në minutën e 79-të, Elmas pati rastin më të mirë të ndeshjes. Lojtari ishte para portës së Ishujve Faroe, por portieri kundërshtari doli më i suksesshëm. 

Dhe më në fund në minutën e 81-të erdhi goli. Bojan Miovski doli i vetëm para portës pasi mori një top nga Ashkovski dhe e finalizoi në mënyrën përfekte. 




   
   
Reprezentacioni A