Më 13 tetor 1993 në Kranj filloi historia e ekipit tonë të futbollit.

Filloi me një triumf të shkëlqyer 4:1 ndaj Sllovenisë. Golashënues i golit të parë ishte Zoran Boshkovski - Çoko.

Përfaqësuesja më e mirë e futbollit deri më tani ka luajtur 276 ndeshje zyrtare, ka pasur fitore dhe disfata, gëzim dhe pikëllim, të gjitha ato ndeshje kanë mbetur të gdhendura tek ne, por vetëm një do të mbahet mend përgjithmonë.

Vetëm një ishte historike dhe ajo e para më 13 tetor 1993, kur e nisëm historinë tonë në Kranj me një duel kundër Sllovenisë. Fitore brilante 4:1.

Golashënuesi i parë ishte Zoran Boshkovski – Çoko, dhe ai dhe goli i tij hynë në historinë e këtij vendi. DONÇO, PANÇEV, ÇOKO, CAPAR, CEDE, ILIA...Maqedonia është shtet i pavarur që nga viti 1991, por dy vjet më vonë mori një shans nga FIFA dhe UEFA të performojë si përfaqësuese në vete. Federata e atëhershme e Futbollit të Maqedonisë, tash FFM, vendosi që ndeshjen e parë ta luajë në Kranj, si mysafirë të Sllovenisë, më 13 tetor 1993. Seleksionuesi Andon Donçevski kishte një ekip të fortë, aty ishin Darko Pançev, pastaj Zoran Boshkovski - Çoko, Dragan Kanatllarovski - Capar, Çede Janevski, Ilija Najdoski e të tjerë. Atëherë ajo Slloveni ishte një kafshatë e lehtë, ne i mundëm 4:1. Ai 13 tetor në Kranj, 30 vite më parë, do të shënohet me germa të arta si data në të cilën filloi historia përfaqësueses tonë të futbollit. Tashmë në minutën e 3-të erdhi goli, një epërsi. Pas pasimit të Darko Pançev, Çoko Boshkovski shënoi gol në minutën e 3-të, i pari për Maqedoninë, gëzimi nuk kishte fund. Pasuan golat e Pançev (minuta 37), Çede Janevski (minuta 48) dhe Dragan Kanatlarovski (minuta 51) për një fitore të madhe prej 4:1. Goli i nderit për vendasit ishte vepër e Pates (minuta e 40-të). Donçevski në atë ndeshje u dha një shans djemve: Zoran Micevski, Kire Grozdanov (63. Nexhmedin Memedi), Zoran Jovanovski, Dragan Kanatlarovski, Ilija Najdoski, Çede Janevski, Zoran Boshkovski (86. Vanço Micevski), Lupço Markovski, Darko Pançev, Boban Babunski (12. Goran Georgievski, 73. Sashe Miloshevski), Toni Micevski.

Zoran Boshkovski - Çoko:

- Jam krenar për golin e parë për Maqedoninë, do ta mbaj mend përgjithmonë. Darko Pançev krosoi nga e majta, ndoqa aksionin, vrapova drejt topit dhe shënova, gëzimi ishte i madh. Ndeshja e parë për Maqedoninë, me një flamur dhe himn të ri, ishte diçka e veçantë, nuk do të harrohet. Atmosfera në stadiumin e Kranjit ishte e mrekullueshme, ishin disa mijëra maqedonas që erdhën për të na përshëndetur dhe për të na përkrahur.

SLLOVENI – MAQEDONI 1-4

13.10.1993 Kranj takim miqësor

Golashënuesit: 0-1 Boshkovski, 0-2 Pançev (penallti), 1-2 Pate, 1-3 Janevski 48 (penallti), 1-4 Kanatlarovski 51 minuta. Kartonë të verdhë: Gliha, Georgievski dhe Najdoski. Stadiumi i qytetit në Kranj “Stanko Mlakar”. Shikues: 3000. Gjyqtarë: Dragutin Karlo Poljak, Darko Cvitkovic, Ivan Petek.

SLLOVENI: Marko Simeunovic (nga minuta 58 Branko Zupan), Gregor Zidan (58 Alfred Jermanish), Xhoni Novak, Darko Milanic, Gregor Blatnik, Andrej Poljshak (61 Robert Englaro), Ales Çeh, Samir Zulic (37 Janez Pate), Zlatko Zah , Sasho Udovic (46. Primoz Gliha), Matjaj Floriancic. seleksionues: Bojan Prashnikar.

MAQEDONI: Zoran Micevski, Kire Grozdanov (63. Nexhmedin Memedi), Zoran Jovanoski, Dragi Kanatlarovski, Çedomir Janevski, Ilija Najdoski, Zoran Boshkovski (86. Vanço Micevski), Lupço Markovski, Darko Pançev, Boban Georgievski, Sasho Miloshevski), Toni Micevski.

Seleksionues: Andon Donçevski.

NJË DELEGACION ME 45 ANËTARË

Sa i përket garës së parë, delegacioni ynë në Kranj nuk ishte aq i shumtë. Rreth 45 futbollistë, trajnerë të drejtuar nga Donço, më pas mjekë, përfaqësues dhe zyrtarë të Federatës së Futbollit, më pas të ftuar, fytyra dhe biznesmenë të njohur, por edhe shtatë gazetarë. Nga TVM, Radio dhe media e shkruar. Të gjithë dinin të gëzoheshin për fitoren e parë, fitore me të cilën e nisëm.