Luka Stankovski: Maqedonia dëshiron fitore ndaj Armenisë

Publikuar më 29 Мај, 2022 Lajme, Deri më 21 vjet


Përfaqësuesja U21 e Maqedonisë vazhdon përgatitjet për sfidat e ardhshme të fazës eliminatore për Kampionatin Europian që do të mbahet në Rumani dhe Gjeorgji në vitin 2023.

Të përzgjedhurit e seleksionuesit Dragi Kanatllarovski sot në qendrën stërvitore “Petar Milloshevski” bënë stërvitjen e tretë dhe fokusi maksimalisht është në duelin me ekipin e vështirë të Armenisë në Grupin X të eliminatoreve.

Një nga lojtarët më të mirë të Shpresave dhe anëtar i Gaziantepit, Luka Stankovski bëri një pasqyrë të shkurtër të përgatitjeve të deritanishme, i cili pret që Maqedonia të tregohet në nivelin e duhur në ndeshjet me Armeninë dhe Ukrainën.

- Jemi duke punuar në përgatitje të shkëlqyera, sot kemi bërë stërvitjen e tretë, jam i kënaqur me atë që kemi bërë këto pak ditë, mund të them se jemi plotësisht të fokusuar në ndeshjen kundër Armenisë. Kemi një grup të madh lojtarësh që padyshim kanë cilësi, këtë duam ta tregojmë në dy ndeshjet e fundit kundër Armenisë dhe Ukrainës. Ka energji të madhe dhe kolektivitet të madh te ne futbollistët, që sigurisht është një shenjë e mirë. Është për të ardhur keq që nuk fituam më shumë pikë në këtë cikël eliminator, mund të kishim bërë shumë më tepër në ndeshjet e marsit kundër Serbisë dhe Ishujve Faroe dhe të kishim rezultate më të mira. Duhet të shohim përpara, na presin dy ndeshje të reja të vështira, duhet të japim maksimumin, ta dëshirojmë fitoren më shumë se kundërshtarët dhe të jemi të fokusuar në të gjitha 90 minutat. Të luajmë me cilësi, me luftë dhe me ekip. Duam ta mbyllim këtë cikël eliminator me fitore dhe jemi gati të presim të tjetrin. Është gjithmonë një nder dhe kënaqësi e madhe të luash për Maqedoninë. Ndonjëherë fiton dhe ka ditë që nuk funksionon siç e prisnim. Gjëja më e rëndësishme është të ngriheni gjithmonë shpejt pas një dështimi dhe një rezultati të keq. Ne duam të luajmë dhe të fitojmë për Maqedoninë.

Në duelin e parë të eliminatoreve të qershorit, mysafir në Shkup është Armenia. Ndeshjen nga xhiroja e 9-të në Grupin X të eliminatoreve, Maqedonia dhe Armenia do ta luajnë në qendrën stërvitore “Petar Milloshevski”, më 2 qershor me fillim nga ora 17:00.




   
   
Aktuale
Kalendar
Reprezentacioni A