Kupa e Maqedonisë do të transmetohet edhe në gjuhën e shenjave

Publikuar më 22 Мај, 2018 në Lajme

Me sigurimin e përkthimit me shenja të finales së Kupës së Maqedonisë ndërmjet Pelisterit dhe Shkëndijës, FFM dhe Federata nacionale sportive e Maqedonisë për persona të shurdhër në mënyrë shtesë do të promovojnë vizonin e FFM-së për krijimin e mundë

Federata e futbollit të Maqedonisë në bashkëpunim me Federatën nacionale sportive për persona të shurdhër për herë të parë kanë siguruar transmetim të drejtëpërdrejtë të një ndeshje futbolli me gjuhën e shenjave për tu mundësuar edhe komunitetit shurdhëmemec për të ndjekur ndeshjen direkt. Me sigurimin e përkthimit të shenjave të finales së Kupës së Maqedonisë ndërmjet Pelisterit dhe Shëkndijës, FFM dhe Federata nacionale sportive për të shurdhër nëm mënyrë shtesë do të promovojnë vizionin e FFM-së për krijimin e mundësive të barabarata dhe respekt për gjihë ata që përfshihen në lojën e futbollit.

“Si federatë më e madhe sportive në vend kemi detyrim që në kornizat e përgjegjësisë tonë shoqërore të jemi nxitës të ngritjes së vlerave për respekt dhe kyçje të gjithë kategorive të qytetarëve. Në këtë mënyrë pasurojmë përjetimin që sjell futbolli për qytetarët shurdhëmemecë në vendin tonë. Shpresoj që me këtë hap do të jemi nxitje edhe për organizatat tjera të japin kontribut në kyçjen e kësaj kategorie të njerëzve në kuadër të fushës së tyre të veprimit. Falënderim te Federata Nacionale sportive për persona të shurdhër në Maqedoni për ndihmën dhe mirëkuptimin e nevojave tona. Puna jonë dhe aktivitetet për përfshirjen e shurdhëmemecëve filloi disa muaj para ndeshjes së Super Kupës së UEFA-së – Shkupi 2017 dhe jemi shumë të lumtur që mesazhi që lëshuam në ceremoninë zyrtare në hapje të ngjajes ka arritur të miliona shikues në gjithë botën”, deklaroi sekretari i përgjithshëm i FFM-së, Filip Popovski.

Aktuale