Në Kongresin e 74-të të Federatës Botërore të Futbollit, FIFA, u vendos që Botërori 2027 për femra të mbahet në Brazil.

Përzgjedhja e organizatores së Kupës së Botës për femra ishte pika më e rëndësishme në axhendën e Kongresit të FIFA-s të mbajtur në Bangkok. Vendet anëtare të FIFA-s vendosën t'ia japin mikpritësit Brazilit, i cili fitoi me 119 vota para kandidaturës së Belgjikës, Gjermanisë dhe Holandës, të cilat morën mbështetje nga 78 vende. Edicioni i dhjetë i kampionatit botëror për femra do të mbahet për herë të parë në Amerikën e Jugut dhe titullin kampion bote do ta mbrojë kombëtarja spanjolle.

Kongresi miratoi gjithashtu raportin vjetor të vitit 2023, propozimin e buxhetit 2025 dhe ndryshimet në Statutin e FIFA-s.

"FIFA financon futbollin në mbarë botën. Të ardhurat që gjenerojmë nuk shkojnë për një numër të caktuar klubesh, por shkojnë në të gjitha 211 vendet anëtare. Misioni ynë është të zhvillojmë futbollin në mbarë botën, sepse 70 për qind e vendeve anëtare nuk do të kishin të ardhura të mjaftueshme pa kontributi i FIFA-s”, tha presidenti i FIFA-s, Gianni Infantino.

Delegacioni i Federatës Futbollit të Maqedonisë u kryesua nga presidenti Muamed Sejdini, nënkryetari Lazar Rakixhiev dhe sekretarja e përgjithshme Natalia Bozhinovska Ilievska.