Përfaqësuesja e Maqedonisë nesër në Porto do të luajë ndaj Portugalisë, në një nga ndeshjet më të mëdha në histori për t'u kualifikuar në Botërorin e Katarit 2022. Para kësaj ndeshje në konferencën për shtyp kanë folur seleksionuesi Bllagoja Milevski dhe kapiteni Stefan Ristovski.

“Është e kotë të harxhosh fjalë për skuadrën portugeze, ata kanë lojtarë të mëdhenj, nuk do të veçoja askënd në veçanti, do të më duhet të flas shumë. Nuk kemi ardhur si turistë, kemi ardhur për të shijuar ndeshjen dhe për të fituar. Askush nuk e priste që të luajmë në finale për Botërorin, ne jemi këtu, nuk ka shpëtim nga kjo, lojtarët kanë një mesazh nga unë, të shijojmë momentin dhe ndeshjen me Portugalinë. Të gjithë janë gati, nuk kemi problem për formacionin, e dimë se kush janë. Nuk presim një ndeshje ndryshe nga ajo me Italinë, nuk e di sa më mirë duhet të jemi se ndeshja me Italinë, Portugalia është e përbërë nga lojtarë të mëdhenj që janë ndër më të mirët në futbollin europian. Ne kemi cilësitë tona, si ekip, në tërësi, do të shohim se çfarë do të sjellë fitoren, lojën e ekipit, apo formimin e ekipit. Çdo sport në vendin tonë ka sukses, por kur flasim për futbollin është një dimension tjetër, globalisht futbolli është futboll, rruga këtu është vërtet e vështirë, takohesh me kombëtare dhe tradita serioze, Maqedonia është krah për krah me më të mirët. Ky është vetëm një tregues se si të vazhdohet. Statistikat janë ashtu siç janë, por çdo ndeshje është e veçantë, po e rëndësishme është kush shënon golin e parë, por kjo nuk do të thotë se do të përfundojë me kaq. Sa i përket Ronaldos, ai është lojtari më i mirë në botë, por ai nuk luan vetëm, dhjetë lojtarë të tjerë luajnë, ata kanë lojtarë të mëdhenj dhe ne do të duhet të përqendrohemi te Portugalia si ekip, jo tek individët. Portugalia është favorite, por Maqedonia nuk është e rastësishme këtu, do të shohim se çfarë do të sjellë ndeshja” – tha Blagoja Milevski.

“Sigurisht kjo është ndeshja më e rëndësishme në historinë e futbollit tonë, ndoshta bota nuk e ka besuar se ne do të jemi këtu, kjo dhomë zhveshjes ka diçka që të tjerët nuk e kanë, ne jemi gati për këtë finale të madhe. Nuk e kam ëndërruar kurrë që do të luajmë kundër Portugalisë për t'u kualifikuar në Kampionatin Botëror, por për shkak se futbolli është i bukur, ne e kaluam pengesën e parë, jemi këtu për të luajtur kundër 50 mijë portugezëve në tribuna, do të luajmë për të fituar. Ndihem mirë këtu, si portugez, djali im lindi këtu, kam marrëdhënie të shkëlqyer me shumë lojtarë nga këtu, në veçanti me Brunon. Atë që di nga mentaliteti i Portugalisë, ia kam përcjellë trajnerit, por këtu harrohet miqësia dhe gjithçka, na pret një ndeshje që mund të sjellë sukses historik. Rruga deri këtu ishte e vështirë, nëse fitojmë do të shënojmë suksesin më të madh në historinë e sportit të Maqedonisë. Para shtatë apo tetë vitesh ishim disi të izoluar dhe tani jemi këtu për të hyrë në Kampionatin Botëror në Katar, nuk do të ndalemi këtu, kjo do të jetë një nxitje e madhe dhe rruga e duhur përpara”, tha kapiteni Stefan Ristovski.