Komisioni për licencim pranë FFM-së ka shqyrtuar kërkesën e dorëzuar nga Komisioni për ndeshje pranë FFM-së në lidhje me shqyrtimin e dokumentacionit të dorëzuar nga klubet të cilat u mundën në balotazhet për plotësimin e Ligës së Dytë të futbollit të Maqedonisë.

Pas kontrollit të dokumentacionit të dorëzuar të tre klubeve: KF Vardari – fsh. Forinë, KF Goblen Junior – Kumanovë dhe ZFK Novaci – Novaci, Komisioni për Licencim konfirmoi se ZFK Novaci – Novaci ka dorëzuar dokumentacion që përmbush gjithë pesë kriteriumet, ndërsa KF Goblen Junior – Kumanovë dhe KF Vardari – fsh. Forinë nuk kanë dorëzuar dokumentacion komplet sipas gjithë pesë kriteriumeve.