Seleksionuesja jonë e përfaqësueses së femrave U17 të Maqedonisë, Katerina Milevska, është pjesë e programit të FIFA-s dhe pjesëmarrëse në projektin "Programi i Mentorimit të Trajnerit" për zhvillimin e gjeneratës së re të trajnereve femra.

20 trajnere femra marrin pjesë në programin e FIFA-s nën mentorimin e 20 trajnereve më të suksesshme të përfaqësueseve femra në botë.

Katerina Milevska priti si mentor trajnerin e përfaqësueses së femrave të SHBA-së, Vllatko Andonovskin.

Të dy patën mundësinë të takohen për herë të parë në Kupën e Botës për vajza nën 20 vjeç që u mbajt në Kosta Rika në gusht. Aty u organizua një "workshop" treditor, i cili në fakt nënkuptonte për trajneret e reja një përvojë të paçmuar në marrjen e njohurive nga trajnerët më të mirë, si dhe pjesëmarrjen në analizën e seancave stërvitore dhe ndeshjeve të kampionatit për futbollistet e reja.

Përveç ofrimit të trajnerëve të talentuar me mentorë të klasit botëror, programi synon gjithashtu të ndihmojë trajneret femra të arrijnë rezultate më të mëdha në pozicionet e tyre aktuale, duke ofruar udhëzime stërvitore dhe mbështetje për zhvillimin e karrierës.

“Ky është një program i madh. Na lejon të takojmë trajnerë të mëdhenj, me përvojë të jashtëzakonshme pas tyre kur bëhet fjalë për futbollin e femrave. Gjithashtu na lejon të ndajmë të gjitha përvojat tona në këtë fushë, të komunikojmë me njëri-tjetrin për gjërat që kemi kaluar ose mund të kalojmë. Për mua është një privilegj i madh që Federata e Futbollit të Maqedonisë më dha mundësinë të jem pjesë e këtij programi, e veçanërisht që kam si mentor Vllatko Andonovskin. Është me të vërtetë e rëndësishme për mua të mësoj sa më shumë që të mundem, të dëgjoj sa më shumë që të mundem dhe të ndaj sa më shumë që të mundem. Kemi një mundësi të jashtëzakonshme për të mësuar nga më të mirët në lojën e femrave”, thotë Katerina Milevska.