Të dyja skuadrat do të luftojnë për trofeun e tyre të parë në këtë kompeticion. Trajnerët e të dyja skuadrave besojnë te suksesi.

Ekipet e Kamenicës Sasa dhe AS United do të përballen më 18 maj (e mërkurë) në finalen e femrave të Kupës së Maqedonisë. Në ndeshjen që do të luhet në qendrën stërvitore “Petar Milloshevski”, të dyja skuadrat do të tentojnë të arrijnë trofeun e tyre të parë në këtë garë.

Kamenica Sasa është kampione në fuqi. Shkupi 2014 është fituesi i fundit i trofeut të Kupës së Maqedonisë nga finalja e luajtur në vitin 2019 kundër skuadrës Tiverija.

Për trajnerin e Kamenica Sasa, Zoran Zllatkovski, fitimi i trofeut në Kupën e Maqedonisë është prioritet, pasi siç thotë ai, rezultatet në kampionat nuk përputhen me cilësinë e ekipit.

– Si trajner dhe drejtues i ekipit prisja rezultate më të mira deri më tani nga kampionati, duke qenë se kemi potencial dhe cilësi të madhe. Prioriteti ynë është fitimi i Kupës së Maqedonisë edhe pse nuk do të heqim dorë nga lufta për vendin e parë në kampionat. Jemi gati për ndeshjen, mezi presim finalen dhe sigurisht presim fitore në finalen tonë të parë në historinë e klubit.

Kemi respekt të madh për ekipin dhe trajnerin e AS United, Astrit Merko, i cili po bën një punë të madhe. Kundërshtari ka kualitet dhe punojnë shumë si ekip. Mendoj se gjithçka do të jetë e pasigurt dhe detajet do të vendosin fituesin. Pres një ndeshje interesante dhe luftarake deri në fund. Shpresoj për fitore dhe festë në Kamenicë.

Trajneri i AS United, Astrit Merko, thotë se kundërshtari është më me përvojë, por beson te të rinjtë e tij dhe ata do të bëjnë maksimumin për ta fituar ndeshjen.

- E njohim shumë mirë skuadrën e Kamenica Sasa, ka cilësi, luan shkëlqyeshëm në sezonet e fundit në ligën e parë të Maqedonisë. Pres një ndeshje interesante, një luftë të madhe dhe sakrificë nga të dyja skuadrat. Uroj një ndeshje të ndershme. Unë besoj te futbollistët e mi. Kemi një ekip të ri që ka potencial, pothuajse të gjitha janë reprezentuese dhe në një ritëm garues. Do të bëjmë maksimumin për të fituar. Ndoshta përparësi e kundërshtarit do të jetë fakti që kanë lojtarë më me përvojë që vijnë nga jashtë, por në fund të fundit ajo nuk duhet të jetë vendimtare. Besoj se do të jetë e pasigurt deri në fund. Le të fitojë ai që është më i mirë.