Seleksionuesi i përfaqësueses A të Maqedonisë, Igor Angellovski dhe Bllagoja Milevski i përfaqësueses U 21 prej 9 deri më 14 dhjetor do të organizojnë kamp selektues për lojtarë që kryesisht luajnë në kampionatin vendor. Në kuadër të kampit selektues do të zhvillohen dy ndeshje stërvitore, i pari më 12 dhjetor, ndërsa i dyti dy ditë më vonë në stadiumin në Gjorçe Petrov të Shkupit.

Igor Angellovski në formacion do të thërasë futbollistë të cilët kryesisht luajnë në kampionatin vendor, ndërsa Bllagoja Milevski do të thërrasë lojtarë të gjeneratës 1996/97 dhe më të rinjë të cilët kanë të drejtë loje në ciklin e ardhshëm eliminator për kualifikim në Kampionatin Europian për të rinjë që do të zhvillohet në vitin 2019.