Kapiteni i përfaqësueses së Maqedonisë, Goran Pandev do të pauzojë së paku një muaj për shkak të lëndimit të muskulit të kofshës së këmbës. Futbollisti i Xhenoas u lëndua në ndeshjen e Seria A të Italisë kundër Frosinones.

Për Goran Pandevin lëndimi është hendikep i madh duke pasur parasysh se më në fund ai fitoi shans të vërtetë për të luajtur nga trajneri i Xhenoas, Gasperini dhe ndërkohë regjistroi disa paraqitje të shkëlqyeshme për ekipin e tij në ndeshjen e fundit. Pas pauzës prej dy vite e gjysmë, ai u rikthy të luajë për fanellën e ekipit përfaqësues në ndeshjet kontrolluese me Slloveninë dhe Bullgarinë.