Qendra për Edukim pranë Federatës së futbollit të Maqedonisë, bashkë me organizatën për trajnerë organizojnë në mënyrë të rregullt çdo vit "Forumin për trajnerë", i caktuar për datën 24 shkurt (e hënë) me fillim në orën 11:30 në hotelin 'Aleksandar Palace' në Shkup.

Bëjmë thirrje për gjithë trajnerët bartës të liçencave të UEFA-së (B, A, Pro dhe A për portierë) të mbërijnë më së voni në orën 10:45 për t'u akredituar për ngjarjen. Forumi do të përfundojë në orën 18:00 me ndarjen e çertifikatave për pjesëmarrje dhe një koktej rasti për të pranishmit. 

Në pajtueshmëri më konventën e trajnerëve të UEFA-së ku FFM është anëtare e plotëfuqishme në këtë forum pjesëmarrja e trajnerëve bartës të Diplomave të UEFA-së (B, A, Pro apo A për trajnerë të portierëve) është e detyrueshme në aspekt të vazhdimit të vlefshmërisë së Liçencave të UEFA-së. Detyrim i secilit trajner bartës të Liçencës së UEFA-së është pjesëmarrja në këtë ngjarje për të mundur të kërkohet vazhdimi i të njejtës. 

Në këtë forum mysafir special do të jetë Branimir Ujeviq, drejtor i sektorit për zhvillim të trajnerëve në FIFA, i cili do të ketë prezantim para të pranishmëve. 

Në lidhëse të këtij njoftimi gjeni numrin më të ri të revistës „Për Trajnerin“