Federata e futbollit të Maqedonisë u ka dhuruar pajisje sportive (fanella, atlete, maica, tuta dhe topa futbolli) ekipeve të reja të skuadrave të femrave. Në “Shtëpinë e futbollit” donacionin e pranuan  gjithsej 12-të klube që garojnë në kategoritë e reja në ligat e reja për femra. AS Junajted, Koçani, Gaber, Mlladost, Shar Pllaninka, Bilijani Izvori, Xhixhi, Top Gol, Poreçe, Atletiko dhe Tiveria.

Suzana Trpeska nga Shar Pllaninka në lidhje me këtë donacion potencoi rëndësinë e pajisjeve të dhuruara, duke shtuar: “Kjo është shumë pozitive për zhvillimin e futbollit për femra. Falënderim për FFM-në që në këtë mënyrë mundohet të ndikojë në zhvillimin e kategorive të reja në konkurencë të femrave. Ndihma me pajisje sportrive është e rëndësishme jo vetëm për ekipet, por edhe për prindërit e vajzave që ushtrojnë. Në të njëjtën kohë pajisjes janë motiv shtesë për stërvitje”, tha Trpeska.