Federata e Futbollit të Maqedonisë ka marrë vendim që secili klub nga Liga e Parë për femra do të marrë ndihmë financiare në vlerë prej 10.000 mijë euro si përkrahje nga “Shtëpia e Futbollit” për nevoja administrative (mirëmbajtje të fushave, trajnerëve, përgatitjet etj.) të 11 klubet nga 1 LPFMF. Fondet janë siguruar nga Fondi i UEFA-s për Ligën e Kampionëve për Femrat për 2021/22.

Për të zbatuar në këtë mënyrë strategjinë për zhvillimin e futbollit të femrave “Më shumë femra, më shumë gola”, federata jonë me ndihmën e UEFA-s ofron mbështetje dhe inkurajim shtesë për klubet e femrave nga Liga e Parë që të vazhdojnë progresin e tyre përmes kësaj ndihme, mbi të gjitha në kuptimin logjistik. Klubet janë baza për rezultate më të mira dhe me angazhim dhe seriozitet më të madh në punë do të kontribuojnë në sukses në të ardhmen.

Mënyra e shpenzimit të fondeve të marra nga klubet do t'i nënshtrohet shqyrtimit dhe verifikimit nga kompanitë e pavarura të auditimit.

“Me mbështetjen e vazhdueshme si në aspektin financiar ashtu edhe në atë teknik (pajisje, futboll, shpenzime udhëtimi etj.), FFM-ja konfirmon se futbolli i femrave prej kohësh është parë jo si një kontribues entuziast, por edhe si pjesë e futbollit tonë. Me përpjekjet e FFM-së dëshirojmë t'i inkurajojmë klubet, para së gjithash, që të jenë shtytës të ngritjes së futbollit të femrave në Maqedoni. Ndihma nga UEFA në atë kuptim është e madhe dhe është e rëndësishme të tregohet se trajtohet në nivelin e duhur duke vazhduar në atë drejtim”, tha sekretari i përgjithshëm i FFM-së, Filip Popovski.