Përfaqësuesja A e Maqedonisë ka zhvilluar stërvitjen e mëngjesit të sotëm në qendrën stërvitore “Petar Milloshevski” në kuadër të përgatitjeve për ndeshjet kontrolluese kundër Kroacisë (3 qershor, Rijeka) dhe Çekisë (10 qershor, Hradec Kralove). 

Ekipi përfaqësues nesër pothuajse do të kompletohet me ardhjen e Milan Ristovskit, Gjoko Zajkovit, Stole Dimitrievskit, Aleksandar Trajkovskit dhe Jani Atanasovit. 

Bojan Dimoski me klubin e tij  më 1 qershor do të luajë ndeshjen e play-off-it për hyrje në Ligën e Parë Ruse dhe do t'u bashkohet bashkëlojtarëve të tij reprezentues në Kroaci. 

Portieri ynë, Dejan Iliev, thotë se jemi optimistë në prag të ndeshjes kundër Kroacisë. 

- Jemi optimistë, edhe pse këto janë ekipe krejtësisht të ndryshme në krahasim me ato të fundit që kemi luajtur. Kroacia është një përfaqësuese shumë cilësore, po përgatitet për Kampionatin Evropian, por është detyrimi ynë që të japim maksimumin dhe të besojmë në një rezultat pozitiv. Duhet të jemi të kujdesshëm, gabimet në ndeshje të tilla mund të na kushtojnë shumë.