Përfaqësuesja A e Maqedonisë vazhdon përgatitjet për fillimin e edicionit të ri të Ligës së Kombeve dhe ndeshjen e parë kundër Bullgarisë më 2 qershor në Razgrad. Stërvitjes së pasdites së përfaqësueses iu bashkuan Enis Bardhi, Stole Dimitrievski, Elif Elmas dhe Darko Vellkovski.

Një nga reprezentuesit, David Babunski, do të jetë pjesë e katër ndeshjeve të ardhshme të Ligës së Kombeve.

- Kjo është një sfidë e re. Ne duhet të vazhdojmë të zhvillojmë dhe të konfirmojmë cilësinë tonë. Kemi ardhur në një situatë ku Maqedonia shihet si favorit në një grup që nuk ishte më parë. Kjo është falë rezultateve dhe paraqitjeve tona në eliminatoret dhe në Ligën e Kombeve në edicionin e kaluar.

- Një shans i madh për të gjithë ata që kishin pak kohë për të treguar se mund të luajnë për ekipin përfaqësues. Është një shans që ata të tregojnë cilësitë e tyre dhe të dëshmojnë se mund të kontribojnë.

- Të gjitha përfaqësueset shkojnë me synimin për të fituar, po ashtu edhe ne. Ne do të shkojmë drejt fitores në çdo ndeshje. Për sa i përket sezonit të vështirë dhe sa mund të ndikojë te lojtarët, mendoj se ky është profesioni ynë dhe është privilegj të luajmë për përfaqësuesen dhe duhet të bëjmë më të mirën. Prandaj duhet të shfrytëzojmë çdo moment, për të festuar, për të përparuar dhe për t'i sjellë gëzim popullit tonë.