Seleksionuesi i përfaqësueses U 21 të Maqedonisë, Bllagoja Milevski pasi publikoi listën e futbollistëve për ndeshjen eliminatore me Austrinë më 14 nëntor në Shkup, ka komentuar përzgjedhjen e tij dhe pritjet nga ndeshja e rradhës.

“Në ekip kemi katër debutues, prej të cilëvë dy portierë, Jankov nga Lokomotiva dhe Trajçevski nga Pobeda e Vallandovës, Sadiki është standard këtë sezon te Rabotniçki dhe Stojanovski nga Dugoploje e Kroacisë. Vlerësoj se gjithë duhet të jemi në nivel të lartë në raport me ndeshjet e fundit, posaçërisht nëse marrim parasysh duelin me Gjibraltarin. Është paralajmërim për disa futbollistë që gjenden në këtë listë. Një pjesë e reprezentuesve që janë liderë në klubet e tyre me gjasa kanë problem të imponohen në atë rol në ekipin përfaqësues dhe ky moment do të jetë temë e analizës në periudhën që pason. Austria është kundërshtar i njohur, dimë gjithçka për kundërshtarin, por sërish potencoj, me rëndësi është se si ne do të dukemi në terren”, deklaroi Milevski.