Komisioni i arbitrave pranë Federatës së Futbollit të Maqedonisë i ka shqyrtuar momentet kontestuese nga xhiroja e 25-të në Ligën parë dhe ka nxjerrë konkluzione:

- Në ndeshjen FC Rabotniçki - FC Struga Trim Lum të luajtur më 02.04.2022 është analizuar situata nga minuta e 48-të.

Arbitër kryesor: Aleksandar Stavrev; Ndihmës: Dejan Kostadinov dhe Goce Petreski;

Minuta e 48-të: Vlerësimi i saktë i arbitrit (gjuajtje dënimi nga 11 metra). Lojtari i Rabotniçkit e tërhoqi sulmuesin strugan në zonën e tij të penalltisë, duke e penguar të luajë me topin. Është dhënë me të drejtë goditje nga 11 metra dhe është dhënë një masë disiplinore (karton i verdhë).

- Në ndeshjen FC Shkupi - FC Tikvesh të zhvilluar më 03.04.2022 është analizuar situata nga minuta e 9-të.

Arbitër kryesor: Jovan Kacevski; Ndihmës: Bakraçevski Razme dhe Martin Petkovski;

Minuta e 9-të: Vlerësim i gabuar i arbitrit (nuk jepet penallti). Një lojtar i Shkupit tërheq lojtarin e Tikveshit duke e penguar të luajë me topin. Arbitri në këtë situatë duhet të akordojë një goditje dënimi nga 11 metra dhe të jep një karton të verdhë si masë disiplinore.

- Në ndeshjen FC Makedonija GJ.P. - KF Pelister e luajtur më 03.04.2022, janë analizuar situatat nga minuta e 64 dhe 90.

Arbitër kryesor: Marjan Stojanovski; Ndihmës: Davor Cvetanoski dhe Martin Dejanoski;

Minuta e 64-të: Vlerësim i gabuar i arbitrit (gjuajtje dënimi nga 11 metra). Një lojtar nga Makedonija GJ.P. ka në posedim topin dhe lojtar i Pelisterit ka një kontakt minimal. Gjuajtje e gabuar nga 11 metra sepse kontakti nuk mjafton për penallti.

Minuta e 90-të: Vlerësimi i saktë i arbitrit (gjuajtje dënimi nga 11 metra). Lojtari i Pelisterit e godet në këmbë lojtarin e Makedonija GJ.P. në zonën e tij. Është dhënë me plot të drejt penallti pa masë disiplinore.

Në ndeshjen FC Bregallnica - FC Renova të zhvilluar më 03.04.2022, janë analizuar situatat nga minuta e 44, 58 dhe 78.

Kryegjyqtar: Aleksandar Grujoski; Ndihmës gjyqtarë: Kushtrim Lika dhe Zoran Jankulovski;

Minuta e 44-të: Vlerësimi i saktë i arbitrit (pa goditje dënimi nga 11 metra). Një lojtar i Bregallnicës në zonën e rreptësisë së Renovës ka tentuar të simulojë një gjuajtje nga 11 metra, nuk ka pasur kontakt mes lojtarit të Bregallnicës dhe lojtarit të Renovës. Është dhënë saktë gjuajtja e lirë indirekte dhe është akorduar një masë disiplinore karton i verdhë për simulim, në të njëjtën kohë ka qenë i dyti i verdhë (i kuq).

Minuta e 58-të: Vlerësimi i saktë i ndihmësit të parë (pa pozicion jashtë loje). Lojtari i Bregalnicës i dhuroi një top shokut të skuadrës i cili ishte në rresht me lojtarin e parafundit të Renovës, vendim i saktë i asistentit që loja të vazhdojë pasi nuk kishte pozicion jashtë loje, nga ky veprim u shënua gol dhe goli është i rregullt.

Minuta e 78-të: Vendim i drejtë i arbitrit (gjuajtje dënimi nga 11 metra). Një lojtar i Bregallnicës në kuadratin e tij me të dyja duart, tërheq lojtarin e Renovës, i cili është në një rast premtues për gol, duke e penguar të luajë me top. Është dhënë saktë një goditje dënimi nga 11 metra dhe është dhënë një masë disiplinore karton i verdhë, ka qenë edhe i dyti i verdhë (i kuq).

- Në ndeshjen FC Akademia Pandev - FC Skopje të luajtur më 03.04.2022, është analizuar situata nga minuta e 77-të.

Arbitër kryesor: Igor Ivanov; Ndihmës: Risto Gjorgjiev dhe Kristijan Dzonov;

Minuta e 77-të: Vlerësim i gabuar i asistentit të parë (i dhënë pozicion jashtë loje). Një lojtar nga Shkupi ia kalon topin shokut të skuadrës, i cili është në mesin e Akademisë kur pason. Ndihmësi i parë sinjalizon një pozicion jashtë loje, një vendim i gabuar i asistentit, sepse nuk ka pozicion jashtë loje kur një lojtar nis nga gjysma e tij.