Убедлив пораз на женската реперезентација на Македонија во натпревар од квалификациите за Светското првенство во Канада 2015 година. Избраничките на Добре Димовски се поразени од носителот во групата Италија со 0:11 (0-7). Најефикасна гостинска фудбалерка во првите 45 минути беше Гирели со три погодоци во 9, 11 и 39 минута. Во првото полувреме за  „азурите“ ефикасни беа уште Паничо во 5, Маниери во 26 минута и Габиадини во 27 и 43 минута.

Како и во првото, така во вториот дел од средбата помина во целосна доминација на гостинската селекција. Головите за Италија во вториот дел ги постигнаа: Бонансеа 51, Карисими 77, Бруман 83  и Фусели 90 минута . Раванш средбата се игра на 17 септември 2014 година во Италија.

Македонија: Ф. Костова, Д.Костова, Тодоровска, Веселинова, С. Андонова, Скерелевска, Георгиева (Митревска 87`), Милеска (Крстановска 90`) Рочи, Андреевска (Кривањева 70`) и Јаковска

Италија: Глиани, Бисоли, Д aда, Маниери, Линери, Страчи, Гирели Брумана (45`), Карасими, Карнола, Габиадини (Бонасеа) и Паничо (Фусели 45`)