Репрезентацијата на Македонија до 19 година ќе одигра две контролни средби против соодветната селекција на Бугарија.

Натпреварите ќе бидат одиграни на 2 и 4 септември на терените на „Куќата на фудбалот " во Скопје. Почетокот на првиот дуел е закажан за 16.30 часот, додека втората пресметка ке се одигра во 11.00 часот. 

Селекторот Марио Вујовиќ за овие две пресметки со Бугарија  ги повика следните фудбалери: Ѓорѓев Душан, Илиќ Филип, Стојановски Филип, Амановиќ Алекса, Боцевски Слободан, Терзиев Горан, Перчинков Игор, Костов Стефан, Чешмеџиев Константин, Николовски Тодор, Аломеровиќ Сабахудин, Костадинов Тихомир, Курт Реџеб Сулејманов Тауљант, Петковски Петар, Кочовски Валентин, Ремзи Селмани, Чаволи Андриан, Мишев Стефан.

Првиот собир за двомечот против Бугарија нашите репрезентативци ќе го имаат на 1 септември во 9.00 часот во Куќата на фудбалот. Овие две средби претставуваат подготовка за октомврискиот квалификациски циклус. Нашата селекција е домаќин на квалификациската група од оваа категорија. Турнирот кој го организираме се игра од 7 до 15 октомври, 2014 година. Македонија е во група со Франција, Босна и Херцеговина и Лихтенштајн.