Триумф и против Норвешка, победнички ја завршуваме годината

Објавено на 11 Ноември, 2017 во Вести, Вести


Продолжува одличната резултатска серија на македонската сениорска репрезентација. На арената „Филип Втори“, избраниците на селекторот Игор Ангеловски, победија со 2:0, во пријателски дуел против Норвешка. Капитенот Горан Пандев го постигна погодокот за водство, а победата ја потврди Маркоски во последната минута од мечот. 

Ова е прва победа за Македонија против Норвешка во четвртиот меѓусебен дуел, по претходните едно реми (0-0 во 2009 година), и два порази (1-2 во 2009 и 0-2 во 2013 година).

„Гранде Пандев“ погоди во 43. минута кога одлично влезе во шеснаесетникот и по асистенција на Алиоски, ја затресе мрежата на противникот. За популарниот Гоче ова беше 31 погодок во националниот дрес. 

Во листата на стрелци се запиша и Кире Марковски во последната минута од натпреварот запишувајќи го својот дебитантски гол во А репрезентацијата. 

Оваа 2017 година ќе биде запаметена како една од најуспешните години за сениорите. Во вкупно девет одиграни средби, победија пет пати, имаат и три нерешени, а само еднаш беа поразени и тоа во дуелот со некогашниот европски и светски првак Шпанија. 

МАКЕДОНИЈА – НОРВЕШКА 2-0 (1-0)

Национална арена „Филип Втори“ во Скопје. Гледачи: 3.000. Стрелци: Пандев 43′, Маркоски 93′ (М). Ж. картони: Алиоски (М), Мелинг, Одегард, Камара, Трондсен (Н).

МАКЕДОНИЈА: Димитриевски, Ристевски, Зајков, Велковски, Ристовски, Барди (76′ Николов), Спировски, Радески, Трајковски (56′ Хасани), Пандев (68′ Тричковски), Алиоски (88′ Маркоски)

НОРВЕШКА: Грујтебуст, Хенриксен, Валсвик, Линс (46′ Даели), Мелик, Нордтвит, Одегард (59′ Торсби), Селнес (75′ Ел Јонуси), Сорлот, Свенсон, Камара.





   
   
Актуелности
Календар

21 Сеп

16:00 Македонија - Кипар
    Жени У19 пријателска

23 Сеп

11:00 Франција - Босна и Херцеговина
    Жени У17 квалификации за Европско
15:30 Унгарија - Македонија
    Жени У17 квалификации за Европско

26 Сеп

15:30 Македонија - Босна и Херцеговина
    Жени У17 квалификации за Европско
15:30 Унгарија - Франција
    Жени У17 квалификации за Европско

12 Окт

00:00 Русија - Македонија
    У21 квалификации за Европско

13 Окт

20:45 Македонија - Лихтенштајн
    УЕФА Лига на Нации
14:30 Македонија - Гибралтар
    У21 квалификации за Европско
18:00 Ерменија - Македонија
    УЕФА Лига на Нации
20:45 Лихтенштајн - Македонија
    УЕФА Лига на Нации
А репрезентација