Срцето на Скопје ќе чука во ритамот на УЕФА Супер Купот

Објавено на 04 Август, 2017 во Вести, UEFA Super Cup


Неколкумесечните подготовки за УЕФА Супер Купот се ближат кон својот крај. Денеска Град Скопје, УЕФА, нејзините партнери и ФФМ почнаа со своите подготовки во „неутралната фан зона“ на плоштад „Македонија“ во Скопје. Супер Купот ќе се игра помеѓу двата најуспешни европски клубови, Реал Мадрид и Манчестер Јунајтед. 

Град Скопје во соработка со УЕФА и ФФМ го започна уредувањето на градот во пресрет на долгоочекуваниот натпревар со поставување на билборди и мегалајти по што на 26. јули светна и скопското Кале во боите на Супер Купот. Ова беше само увертира за сето она што ќе се случува во фан зоните, а ќе кулминира на големиот натпревар. Во тек се поставувањата во самите зони, најмногу во „неутралната фан зона“ каде сите активности ќе се реализираат. Останатите две зони, платото пред спомен куќата на „Мајка Тереза“ и плоштад „Филип Втори“ ќе служат како точки за средба од кои навивачите на Манчестер Јунајтед и Реал Мадрид ќе тргнат кон националната арена „Филип Втори“.

„Неутралната фан зона“ ќе биде отворена на 7. и 8. август и овие два дена ќе функционира од 11.00 до 19.00 часот. Во оваа фан зона ќе бидат изложени трите трофеи на УЕФА, трофејот на Лигата на шампионите, трофејот на Лига Европа и Супер Купот. Секој посетител ќе ја има можноста да се фотографира со истите. Тие ќе бидат поставени на 7. август, од 11.00 до 19.00 часот, и 8. август од 11.00 до 16.00 часот. Поставувањето на трофеите е дел од „Трофеј турата“ организирана од страна на ФФМ во склоп на која млади момчиња и девојчиња од цела Македонија се натпреваруваа да дојдат до финалните дуели кои ќе се одиграат на грас рут игралиштето кое ќе биде поставено во „неутралната фан зона“. Под сјајот на големите УЕФА трофеи момчињата ќе ги одмерат силите на 7. од 11.00 до 13.00 часот, а девојчињата во исто време на 8. август.

Во зоната се поставуваат и уредуваат местата определени за 1 на 1 фудбал, шутирање пенали, фудбалски тенис и freestyle фудбал додека за освежување и други активности ќе се погрижат партнерите на УЕФА Pepsi, Heineken, Master Card и Nissan. Интересно е што експерти во freestyle фудбал од Франција ќе ги покажуваат своите способности и ќе ги подучуваат заинтересираните. Секој ќе може да им се придружи и да научи нешто ново и забавно.

Покрај многубројните активности во „неутралната зона“ ќе биде поставена голема бина каде на 7. DJ Branchez, DJ Mats, ContruDJ и Симона Попоска, а на 8. DJ Bobi, DJ Dela, Brass Brothers и Сара Мејс ќе ги забавуваат присутните.

Град Скопје очекува десетици илјади посетители и за таа цел се погрижи да најголемиот дел од нив бидат информирани за знаменитостите на Скопје преку промотивно видео и голем број на брошури.

Со нетрпение се очекува кулминацијата на 8. август и затоа Град Скопје цели во тоталност да го долови духот на овогодинешниот Супер Куп.




   
   
Актуелности

22.11.2017    Вести

Нашиот Јане: „Кога играм фудбал се чувствувам како сите други“

Тоа што е врзан за количка не го спречува 9 годишниот Јане да игра фудбал во секоја прилика....

17.11.2017    Вести

Одржани семинари / советувања за родители чии деца се членови во клубовите во детските лиги на ФФМ

Одделот за Грасрут фудбал и Центарот за Едукација на ФФМ а во склоп на обврските од УЕФА грасрут програмата и својата пр...

Календар
А репрезентација