Состанок во пресрет на бараж натпреварите за влез/опстанок во МФЛ

Објавено на 01 Јуни, 2017 во Вести


Во „Куќа на фудбалот“ денеска одделот за натпреварување и одделот за безбедност и интегритет одржа работен состанок со претставниците на клубовите кои од 4. до 10. јуни ќе играат бараж натпревари за влез/опстанок во повисок ранг во МФЛ.

На клубовите им беше укажано да се почитуваат пропозициите во соодветните натпреварувања, да преземат неопходни мерки за безбедно одигрување на бараж натпреварите и повторно беше упатен повик за почитување на фер плеј одредбите. 

Шкупи и Новаци ќе одиграат два бараж натпревари за место во Прва МФЛ. Првиот дуел се игра на 4. јуни со почеток во 17:00 часот, додека возвратната пресметка е закажана на 7. Јуни во 17:00 часот. Двата натпревари се играат на Градскиот стадион во Штип.

Гоблен – Зајази, Лабуништа – Зајази и Лабуништа – Гоблен ќе ги одиграат натпреварите на на 4. јуни со почеток во 17:00 часот и на 7. Јуни во 17:00 часот. Две од трите екипи ќе обезбедат место во Втора МФЛ – запад.

Натпреварот Превалец – Каменица Саса се игра на 4. јуни во 17:00 часот на Градскиот стадион во Кочани. Победникот обезбедува место во Втора МФЛ – исток.




   
   
Актуелности

27.03.2024    А репрезентација - Вести

„Анталија Куп 2024

Младата репрезентација на Македонија до 18 години одигра нов добар натпревар и ја забележа втората победа во рамките на ...

Календар
А репрезентација