Саша Ќириќ: „Во ФФМ сум поради фудбалот, а не заради позицијата“

Објавено на 05 Април, 2018 во Вести


Поранешниот прославен фудбалер и репрезентативец Саша Ќириќ отворено коментира за последните случувања околу неговата функција и неговиот професионален ангажман во Фудбалската федерација на Македонија.

-Мене ми е јасно дека потребата од сензација продава сѐ, сакале да признаеме или не, живееме во такво општество, но најпрвин да разјасниме две работи. Прво, во Фудбалската федерација на Македонија сум дојден поради фудбалот, а не заради позицијата и второ, немам никакви проблеми и несогласувања со раководството на федерацијата. Се што правиме, правиме заеднички и во интерес на фудбалот. Оттаму, заеднички е и нашиот последен договор за моја поголема вклученост во работата на Академијата на ФФМ, проект кој е многу значаен за македонскиот фудбал и кој во изминатите неколку години ја потврдува сета своја вредност, како школа од каде што ние создаваме не само квалитени млади фудбалери, туку и личности со вистински спортски вредности, вели Ќириќ.

-Без да навлегувам во потребата на одредени луѓе кои „одеднаш“ се загрижија за мојот статус, јас и во иднина останувам во служба на фудбалот и 100 % ќе бидам посветен на работата во рамки на федерацијата. Како и досега, доколку има потреба јас и понатаму ќе се трудам да бидам од помош и на А селекцијата и на сите младински репрезентации доколку е потребно. Како фудбалер со богато интерналионално искусто ќе настојувам истото да го пренесувам и на младите фудбалери и на сите вклучени во работата со Академијата и националните селекции, вели Саша Ќириќ. 




   
   
Актуелности

14.11.2018    Вести

Интервју со в.д. председателот на ФФМ, Мухамед Сејдини

Инвестицијата во фудбалски игралишта е добра инвестиција! Ќе продолжиме со различни активности за развој на фудбалот. М...

Календар

14 Ное

14:00 Македонија - Хрватска
    У19 квалификации за Европско

16 Ное

20:45 Лихтенштајн - Македонија
    УЕФА Лига на Нации

17 Ное

17:00 Чешка - Македонија
    У19 квалификации за Европско

19 Ное

20:45 Македонија - Гибралтар
    УЕФА Лига на Нации

20 Ное

17:00 Луксембург - Македонија
    У19 квалификации за Европско
А репрезентација