Репрезентација до 18 години: Два контролни натпревари против Азербејџан во Скопје

Објавено на 27 Мај, 2016 во Вести, До 19 год


Македонската репрезентација до 18 година ќе одигра два контролни натпревари против врсниците од Азербејџан на 1-ви и 3-ти јуни на тренинг центарот „Петар Милошевски“ во Скопје. Двата пријателски меча започнуваат во 10:30 часот. Селекторот на македонската репрезентација, Јетон Несими за натпреварите против Азербејџан ги повика следните фудбалери:

Голмани: Ристе јанков (Работнички), Филип Трајчевски (Вардар);

Одбрана: Ване Јованов (Академија Пандев), Михаил Маневски (Академија Пандев), Виктор Стојковски (Металург), Нехар Садики (Еуромилк), Антонио Митрев (Металург), Есмин Личина (Вардар), Агон Хани (Младост Ц.Д.);

Среден ред: Давор Здравковски (Македонија Ѓ.П.), Филип Михаилов (Академија Пандев), Ердон Даци (Вардар), Албан Сулејмани (Ренова), Даниел Миловановиќ (академија Пандев), Шефит Шефити (Шкендија), Дарко Додев (Металург), Елиф Елмаз (Работнички);

Напад: Марио Крстовски (Хоризонт Турново), Милан Ристовски (Работнички), Емил Абаз (Андерлехт, Белгија);

-Составот е речиси ист како и на предходните натпревари, костурот на оваа генерација веќе го имаме, веројатно ова се играчите кои ќе го понесат товарот и на октомвриските квалификации во Полска за пласман во елитната група на Уефа. Оваа година веќе одигравме десет контролни натпревари и треба да бидеме задоволни од резултатите и напредокот на тимот. Не радува тоа што на секој собир, тренинг и натпревар екипата се однесува подобро и позрело, посебно на последните две пресметки на гостувањето во Кипар и се надеваме дека таа е насоката која ќе ја продолжиме, изјави селекторот на репрезентацијата Јетон Несими.





   
   
А репрезентација