Во просториите на Фудбалската федерација на Македонија денеска беше одреден распоредот на натпреварите за новата натпреварувачка сезона во Првата и Втората македонска фудбалска лига. На програмата од првиот круг од сезоната 2014/15. актуелниот шампион Работнички отвора на домашен терен против градскиот ривал Металург во реприза од ланското финале на Купот на Македонија. Големо внимание во натпреварите од воведното коло привлекува вечното дерби меѓу Пелистер и Вардар. Тимот на Шкендија стартува против штипска Брегалница, Силекс го пречекува Турново, додека Ренова во дуелот од првото коло е домаќин на Тетекс. Почетокот на натпреаврите од новата сезона во Првата лига е закажан за 3. август 2014. во 17.30 часот.

Распоред Прва Лига 2014-2015.pdf