Муамед Сејдини: Уживаме во прекрасни фудбалски денови, ФФМ ќе исплати премија од 100.000 илјади евра

Објавено на 11 Октомври, 2019 во Вести


Македонската А репрезентација оствари триумф против Словенија во квалификациите за ЕУРО 2020. и со дополнителен мотив за позитивен резултат патува за Варшава на дуел со силната Полска (13. октомври) во продолжението од квалификациите за Европското првенство. 

Претседателот на Фудбалската федерација на Македонија, Муамед Сејдини го изрази своето задоволство од остварените резултати, истакнувајќи дека посакува оваа приказна да продолжи и да бидеме уште подобри. Управниот одбор на ФФМ одлучи да се исплати премија за репрезентативците во износ од 100.000 илијади евра, парична награда која беше предвидена за постигнатиот резултат.  

- Уживаме во прекрасни фудбалски денови и посакуваме тоа да продолжи. Македонскиот фудбал по триумфот против Словенија доби уште една причина за радост, но сакам да им порачам на фудбалерите и навивачите да останеме скромни и смирени. Убаво е да се видат полни трибини на Националната арена и нашата репрезентација на сите насловни страни, тоа ја покажува моќта на фудбалот. Како раководство на Фудбалската федерација на Македонија ветивме премија за репрезентацијата и ќе исплатиме сума од 100.000 илјади евра како награда за трудот и резултатите. Честитки и посакувам да ја продолжиме оваа убава приказна, да ја задржиме позитивната енергија и да бидеме уште подобри, изјави Муамед Сејдини, претседател на ФФМ.





   
   
Актуелности

27.03.2024    А репрезентација - Вести

„Анталија Куп 2024

Младата репрезентација на Македонија до 18 години одигра нов добар натпревар и ја забележа втората победа во рамките на ...

Календар
А репрезентација