Македонија до 19 години: Пораз од Летонија на стартот од квалификациите за ЕП

Објавено на 21 Март, 2018 во Вести, До 19 год


Македонската репрезентација до 19 години загуби со 1:2 од Летонија во натпреварот од првиот круг од Елитната фаза квалификации за пласман на Европското првенство. На турнирот кој го организираме во Скопје, Англија на вториот натпревар од групата беше убелива против Унгарија славајќи победа од 4:1 на арената „Филип Втори“.

На тренинг центарот „Петар Милошевски“, Македонија до 19 години беше фаворит, но на теренот, противникот покажа како треба да се одигра на резултат, па на крајот славеше со 2:1. Богданс Самоиловс ги даде двата гола за Летонија. првиот го постигна во 42 минута, кога биеше прецизно од 10-тина метри, додека за 2:0 погоди со прекрасен шут од далечина во 56 минута. 

Македонија единствено успеа да постигне почесен гол во 88. минута преку Димитар Митровски од пенал. На крајот, статистиката беше на наша страна. Упативме 20 удари кон голот на гостите, од кои седум беа во рамките на голот, но само еден заврши во мрежата. Летонија е таа која ги освои трите бода. 

Првата шанса на мечот пристигна во 26. минута и ја имаше Трајановски, но не погоди, а потоа се закани и Елиф Елмас, кој во 31. минута доби топка од Тодоров, но голманот на Летонците го прочита неговиот шут и исфрли во корнер.

На стартот на вториот дел Македонија тргна поофанзивно и во игра го внесе Фазлагиќ, што донесе две шанси во низа кои останаа нереализирани. Двапати шанса да погоди имаше Митровски, но голманот Матревиц едноставно беше несовладлив.

Вториот натпревар од елитната фаза Македонија го игра в сабота, кога исто така на тренинг-центарот „Петар Милошевски“ се среќава со Унгарија. 

Во продолжение записникот од натпреварот Македонија - Летонија.

Записник МКД-ЛЕТ.JPG 




   
   
Актуелности

17.05.2019    Вести

Првите луѓе на ФФМ на состанок со асоцијациите членки и раководството на УЕФА

Претседателот на ФФМ, Муамед Сејдини и генералниот секретар, Филип Поповски имаа средба и со Наташа Андонова. На нашата ...

Календар

07 Јун

20:45 Македонија - Полска
    А репрезентација квалификации за Европско

10 Јун

20:45 Македонија - Австрија
    А репрезентација квалификации за Европско
А репрезентација