Македонија до 19 години ќе гостува во Полска и Англија

Објавено на 03 Октомври, 2018 во Вести, До 19 год


Македонската репрезентација до 19 години од 8. до 17. октомври ќе гостува во Полска и Англија каде ќе одигра два пријателски натпревари против домашните селекции на Полска и Англија.

На 11. октомври во близина на Варшава играме против Полска, а на 16. октомври во Бирминген во базата на Фудбалската асоцијација на Англија.

Селекторот на Македонија до 19 години, Горан Станковски за двата контролни натпревари ќе смета на следните фудбалери:

Голмани: Бојан ТИМЕВСКИ (Саса Каменица), Стефан ЈАКИМОВСКИ (Њу Старс); Одбрана: Зоран ИВАНОВСКИ (Академија Пандев), Адријан ХАЈДАРИ (Рапид Виена, Австрија), Филип АНТОВСКИ (Вардар),  Џејми ПЕРЧЕВСКИ (Фортуна Дизелдорф, Геманија), Стефан СИМОНОВСКИ (Генц Калемлер), Стефан НАУМЧЕСКИ (Вардар), Ангел СТРАТОРСКИ (Горица, Словенија); Среден ред: Анес ОСМАНОВСКИ (Унтерахинг, Германија), Томче ГРОЗДАНОВСКИ (Тренчин, Словачка), Али АДЕМ (Вардар), Енис ФАЗЛАГИЌ (Жилина, Словачка), Алекс ТАЛЕСКИ (Вардар); Напад:  Јакуп Бериша (Вардар), Марио НАУМОСКИ (Победа), Енсар ЉУМА (Шкендија), Марко Ѓоргиевски (Борец), Бојан Колевски (Борец), Дарко Чурлинов (Келн, Германија);

-Како предводник на оваа репрезентација за мене ова е втора можност на натпревар да се уверам во квалитетите на селекцијата и индивидуалните можности на фудбалерите. За двата меча против Полска и Англија повикавме неколку нови фудбалери (Хајдари, Перчевски, Страторски, Јакимовски) во однос на претходниот собир и се надевам дека сите ќе ја оправдаат довербата на овие силни тест натпревари и ќе се борат за место во тимот на квалификациските натпревари. Во екипата се и Фазлагиќ и Чурлинов, прв пат со мене како селектор, но тие се многу важна алка и исклучително потребни за секој меч. Квалификациите започнуваат на 14. ноември во Чешка и за нас е битно да имаме силни контролни дуели како двата што следуваат, изјави Горан Станковски, селектор на Македонија до 19 години. 




   
   
Актуелности
Календар

20 Окт

11:00 Фарски Острови - Израел
    У17 квалификации за Европско
14:30 Шпанија - Македонија
    У17 квалификации за Европско

23 Окт

11:00 Шпанија - Фарски Острови
    У17 квалификации за Европско
14:30 Израел - Македонија
    У17 квалификации за Европско

26 Окт

14:30 Македонија - Фарски Острови
    У17 квалификации за Европско
14:30 Израел - Шпанија
    У17 квалификации за Европско

16 Ное

20:45 Лихтенштајн - Македонија
    УЕФА Лига на Нации

19 Ное

20:45 Македонија - Гибралтар
    УЕФА Лига на Нации
А репрезентација