Македонија до 16 години: Реми на втората контролна средба со Ерменија

Објавено на 13 Март, 2017 во Вести, До 17 год


Македонската репрезентација до 16 години ремизираше со Ерменија на вториот контролен натпревар на тренинг центарот „Петар Милошевски“ во Скопје со конечен резултат 2-2.

Емил Скоко постигна прекрасен погодок во 21. минута за отворање на резултатот. Избраниците на селекторот Горан Станиќ во првото полувреме не искористија уште една добра прилика за удвојување на предноста преку Бојан Димоски. Неговиот удар го одбрани гостинскиот голман. Во судиското надополнување главниот судија покажа пенал за Ерменија откако со рака во шеснаесетникот играше еден од нашите дефанзивци. Шагојан беше сигурен реализатор на најстрогата казна за израмнување на 1:1.

Во првата минута од второто полувреме Куштрим Таири ја погоди стативата од голот на ерменците, а само две минути подоцна Бојан Димовски го искористи невниманието на гостинската одбрана и погоди за 2:1.

Сепак, во 56. минута младите фудбалери на Ерменија повторно го израмнија резултатот со погодокот на Хамбарѕумјан во 56. минута. До крајот двете репрезентации не создадоа вистинска шанса за постигнување гол.

Македонија до 16 години: 1. Матеј Андов, 3. Ален Личлина, 4. Емил Скоко (Амар Колашинац 75. минута), 5. Кристијан Трпчевски, 6. Божидар Митревски, 7. Кире Трпчевски (Давид Тошевски 21. минута), 13. Ване Тасевски, 15. Владан Новевски (Агон Елези 51. минута), 16. Бојан Димоски, 18. Ален Јусуфов (Бафтијар Бесир 21. минута), 20. Куштрим Таири;

Ерменија до 16 години: Аветисјан, Асатријан, Газаријан, Хамбарѕумјан, Карапетјан, Мкрткјан, Шагојан, Мурадјан, Гуламбрајан, Петросјан, Григорјан;




   
   
Актуелности

15.09.2017    Вести

Влог во развој на женскиот фудбал во Македонија

Фудбалската Федерација на Македонија вложува во развојот на фудбалот во сите сегменти и нивоа од играта, и во таа насока...

Календар

06 Окт

15:00 Македонија - Србија
    У21 квалификации за Европско
20:45 Италија - Македонија
    А репрезентација квалификации за Светско

09 Окт

20:45 Македонија - Лихтенштајн
    А репрезентација квалификации за Светско
А репрезентација