Македонија до 15 години го совлада Киргистан за трето место на турнирот во Шангај

Објавено на 29 Мај, 2017 во Вести, До 17 год


Македонската репрезентација до 15 години убедливо со 4:0 ја совлада селекцијата на Киргистан и го заврши настапот на турнирот во кинески Шангај на третото место. Нашата репрезентација предводена од селекторот Марио Вујовиќ претходно ремизираше со Кина (1:1), а загуби со 3:0 од Северна Кореја.

На дуелот со Киргистан, Македонија до 15 години поведе во 39. минута со голот на Марио Илиевски. Во првиот дел шанса за рано водство пропушти Филип Костовски.

Македонија ја контролираше играта и создаваше шанси и во продолжението. Во 67. минута успеавме да го удвоиме водството со погодокот на Николов. Четири минути подоцна Костовски зголеми на 3:0, а Илиевски со својот втор гол во 88. минута го постави конечните Македонија – Киргистан 4:0.

Македонија до 15 години: 12. Марко Алчевски (Алекса Јорданов 45`), 2. Рилинд Ајдини, 4. Филип Андоновски (Гораст Стојменов 45`), 6. Спасе Терзиев (Марио Костески 45`), 7. Филип Костовски, 9. Марио Илиевски, 13. Аљтрим Јакупи (Иван Николов 45`), 14. Лука Станковски (Али Асани 45`), 15. Јасин Сали, 17. Влада Новевски (Стефан Ѓорѓиев 60`), 18. Димитар Тодоровски;

-Заслужена победа. Бевме подобри во текот на целиот натпревар, создадовме многу шанси и мораме да бидеме задоволни. Нашата игра доби на уште поголема динамика во второто полувреме и покрај замените кои ги направивме. Ова е големо искуство за оваа репрезентација, се надевам дека овој турнир ќе донесе многу позитивни работи во иднина, изјави селекторот Марио Вујовиќ.



   
   
Актуелности

14.11.2018    Вести

Интервју со в.д. председателот на ФФМ, Мухамед Сејдини

Инвестицијата во фудбалски игралишта е добра инвестиција. Ќе продолжиме со различни активности за развој на фудбалот. М...

Календар

16 Ное

20:45 Лихтенштајн - Македонија
    УЕФА Лига на Нации

17 Ное

17:00 Чешка - Македонија
    У19 квалификации за Европско

19 Ное

20:45 Македонија - Гибралтар
    УЕФА Лига на Нации

20 Ное

17:00 Луксембург - Македонија
    У19 квалификации за Европско
А репрезентација