Натпреварите ќе се одиграат во спортската сала „Јане Сандански“ (мала сала) со почеток од 20.15 часот. Репрезентацијата на Грузија доаѓа како првопласирана во групната фаза од предквалификациите кои се одиграа минатата недела. Селекцијата на Грузија беше во иста група со Швајцарија, нашиот противник во квалификациите, а во меѓусебниот дуел одигра нерешено, 1:1 .

Селекторот на македонската репрезентација, Васко Скендеровски  повика 14 играчи за овој пријателски двомеч:

Голмани: Мирослав Тодоровски (КМФ Скопје), Илчо Удовалиев (КМФ Железарец), Антонио Петровски (КМФ Железарец); Одбрана: Зоран Левески (КМФ Железарец), Ферид Агуши (КМФ Железарец), Иван Крстевски (КМФ Железарец), Џо Арсовски (КМФ Железарец);  Напад: Александар Глигоров (КМФ Железарец), Игор Леовски (КМФ Железарец), Оливер Јовановски (КМФ Железарец), Дарко Ранготов (СКВЕР Дубровник – Хрватска), Мартин Тодоровски (КМФ Железарец), Адријан Мицевски (КМФ Железарец), Трајче Трајков (КМФ Железарец);

Македонската футсал репрезентација се подготвува за квалификацискиот турнир кој го организираме во Скопје за пласман на Европското првенство. Шпанија, Унгарија и Швајцарија се противници на нашата најдобра селекција.