Игор Ангеловски: Италија моќна, Албанија остави силен впечаток

Објавено на 24 Јуни, 2016 во Вести, Вести


Селекторот на А репрезентацијата на Македонија Игор Ангеловски беше присутен на два натпревари од Европското првенство во Франција и ги следеше во живо дуелите на нашите ривали во следниот квалификациски циклус за пласман на Светското првенство 2018 година. Предводникот на најдобриот наш национален тим во Лион го следеше дуелот меѓу Италија и Белгија, а триумфот на Франција против Албанија во живо го следеше од „Велодром“ во Марсеј.

-Репрезентацијата на Албанија навистина остави силен впечаток во дебитантскиот настап на едно големо натпреварување. Во два, рамноправни натпревари, загубија од Франција и Швајцарија, но немаше да биде незаслужено доколку нашиот прв противник во мундијалските квалификации се избореше за позитивен резултат против фаворитите во групата. Победата против Романија само го потврди нивниот квалитет. Функционираат како целина, максимално дисциплинирани и тактички одлично поставени. Албанија нема екстра ѕвезда во тимот, но јасно се гледа дека колективот е над сѐ и тоа им носи резултат, вели Ангеловски.

Селекторот на репрезентацијата на Македонија истакнува дека Албанија има и свои слаби страни кои треба да се искористат и да се обидеме со позитивен резултат да ги отвориме квалификациите во септември.

-Резултатите на Албанија не треба да не плашат, напротив, треба дополнително да не мотивираат. Наша обврска ќе биде да ги искористиме слабостите на противникот, секој мора да превземе дел од својата одговорност. Имаме одличен амбиент за работа, адреналинот ќе биде на високо ниво, но наше е да се подготвиmе најдобро и да одиграме за македонскиот фудбал.

Игор Ангеловски даде свое видување и за натпреварот кои се играше во Марсеј меѓу Италија и Белгија, селекторот на Македонија вели дека италијанците одново потврдуваат дека се репрезентација за големи натпреварувања.

-Италија на првите два натпревари беше беспрекорна. Извонредно тактички дисциплинирани, со одлична антиципација за играта на противникот и заслужено победија против белгијците. Италија одново потврди дека се репрезентација за големи натпреварувања. Никогаш не треба да се отпишуваат иако во елиминациската фаза имаат страшно тежок распоред. Натпреварите на Италија секогаш се интересни за анализа, посебно тимот кој го подготвува нивниот скаутинг.

На крајот селекторот на Македонија даде свој коментар околу атмосферата на првенството и навивачите кои ги бодрат своите репрезентации.

-Вистински фудбалски фестивал. Со многу љубов кон своите држави навивачите ги бодрат своите репрезентации, па дури и кога не играат на посакуваното ниво, како Белгија против Италија. Се надевам дека за македонската држава, македонските навивачи ќе ја бодрат македонската репрезентација, а македонските репрезентативци ќе даваат се од себе кога играат во дресот на Македонија.





   
   
Актуелности

27.03.2024    А репрезентација - Вести

„Анталија Куп 2024

Младата репрезентација на Македонија до 18 години одигра нов добар натпревар и ја забележа втората победа во рамките на ...

Календар
А репрезентација