Двете пресметки против повеќекратниот Европски и Светски шампион ќе се одиграат на 19. и 20. октомври во Касерес. Репрезентацијата на Македонија предводена од селекторот Васко Скендеровски во Скопје тренира денеска и утре, а в недела патува за Шпанија. Скендеровски ги повика следните фудбалери за двата натпревари против Шпанија:

Голмани: Илчо Удовалиев (КМФ Железарец), Антонио Петровски (КМФ Железарец);

Одбрана: Зоран Левски (КМФ Железарец), Ферид Агуши (КМФ Железарец), Таулант Исмаили (КМФ Железарец);

Напад: Орхан Ибиши (КМФ Јувентус), Иван Крстевски (КМФ Железарец), Адријан Мицевски (КМФ Железарец), Мартин Тодоровски (КМФ Железарец), Дарко Ранготов (КМФ Железарец), Мартин Мехмединовиќ (КМФ Црна Река), Игор Леовски (КМФ Железарец);

-Не очекуваат два исклучително тешки натпревари против повеќекратниот Европски и Светски првак и тоа на гостински терен, но добро е да ги одмериме силите против силен противник, каде што немаме резултатски императив. Покажавме дека футсалот во последните три-четири години има евидентен напредок, па не случајни се резултатите кои ги постигнуваме на репрезентативен и клупски план. Зад нас стојат години исполнети со многу работа и вложувања. Не треба многу да се зборува за нашиот противник, тоа ќе бидат натпревари од кои ќе може многу да се научи и секако ќе бидат полезни пред престојните квалификации за СП. За жал нема да патуваме комплетни, од оправдани причини ќе отсуствуваат Глигоров (приватни причини), Јовановски (здравствени проблеми). Ова се и тоа како важни играчи, но затоа пак шанса да дебитираат ќе добијат неколку нови и млади играчи како што се Мехмедовиќ, Исмаили. Значи, патуваме со еден комбиниран состав, но очекувам позитивната атмосфера и хармонијата која владее во оваа генерација на репрезентативци да донесе силен мотив кај сите што ке настапат во Шпанија и да покажеме дека не се случајни сите овие позитивни резултати кои што се случуваат во нашиот футсал, изјави селекторот Скендеровски.