МК EN SQ 0.0917

Фудбал за сите – пристап за секого! ФФМ организатор на настан за подигање на свеста за потребите на инвалидизираните лица

Објавено на 01 Април, 2016 во Вести, Еднаквост


Фудбалската федерација на Македонија на 7. април во „Куќата на фудбалот“ ќе организира настан за подигање на свеста  за потребите на инвалидизираните лица и нивната желба да имаат пристап на фудбалските стадиони.

Деновите од 2. до 10. април се означени како „денови за подигнување на свеста за потребите на инвалидизираните лица“, а ФФМ ќе ги одбележи овие денови под мотото:

ФУДБАЛ ЗА СИТЕ – ПРИСТАП ЗА СЕКОГО.

Во рамки на настанот кој ќе се случува на 7. април, ФФМ ќе организира работилница во која ќе бидат вклучени претставници од сите клубови од Прва лига, претставници од МОБИЛНОСТ –Национален сојуз на лица со телесен инвалидитет на Република Македонија и претставници на МОК – Македонски Oлимписки Комитет.

Во работилницата ќе биде презентирана улогата на DISABILITY OFFICER (лице од клубот кое ќе им овозможи пристап на стадионите на лицата со попреченост), а по завршувањето ќе биде одигран фудбалски натпревар помеѓу тимот на МОБИЛНОСТ и тимот на МОК, составен од поранешни македонски олимпијци).

На овој начин ги повикуваме и нашите  клубови кои имаат социјална одговорност да бидат дел од деновите за подигнување на свеста за вклучување на лицата со инвалидитет  во нивните средини и да дадат еднакви можности на сите.

Се надеваме дека на ваков начин сите ќе бидеме двигатели и ќе дадеме скромен придонес за поголеми социјални промени во полето на инклузивноста на лицата со инвалидитет.

ФУДБАЛ ЗА СИТЕ – ПРИСТАП ЗА СЕКОГО.




   
   
Актуелности

21.02.2017    Вести

Тренерски форум - 15 години тренерска едукација на ФФМ

Фудбалската Федерација на Македонија одбележува 15 години тренерска едукација, а по тој повод е организиран Форум на Тре...

21.02.2017    Билети

Билетите за Европското првенство во Полска пуштени во продажба

Полската фудбалска федерација ги пушти во продажба билетите за европското првенство за репрезентации до 21 година преку ...

Календар
А репрезентација