ФФМ ќе финансира и гради нови три терени со вештачка трева, првиот за Академија Пандев

Објавено на 25 Јули, 2018 во Вести


По иницијатива на Фудбалската федерација на Македонија, а во соработка со УЕФА и обезбедените вонредни средства од „Хет-трик“ програмата, Фудбалската федерација на Македонија целосно ќе финансира изградба на нови три терени со вештачка трева.

ФФМ преку проектот „Хет-трик 3“ на УЕФА, веќе финансираше целосна изградба на десет терени со вештачка трева во исто толку општини во државата.

Управниот одбор на ФФМ донесе одлука еден од терените со вештачка трева да биде изграден и предаден во употреба на Академија Пандев, како дел од фудбалскиот комплекс кој капитенот на репрезентацијата на Македонија, Горан Пандев го изгради во неговиот роден град, Струмица.

-Сите ние сме исклучително благодарни за посветеноста на Горан Пандев кон спортот како поле каде треба да се докажуваат младите таленти и неговиот придонес во развојот на нашиот фудбал, горди сме на нашиот капитен кој дава голем придонес за напредокот на македонскиот, но и европскиот и светскиот фудбал. Одлуката да изградиме терен со вештачка трева за потребите на Академија Пандев е еден вид признание од соработниците и институцијата која го води нашиот фудбал кон тоа што Горан и Академија Пандев инфарструктурно го изградија во Струмица. Благодарност до целокупниот Управен одбор на ФФМ кој го поддржа и верифицираше предлогот.

-Инвестициите во развој на фудбалската инфраструктура се клучни за развојот на фудбалот, а ние во Фудбалската федерација на Македонија сме подготвени позитивните искуства да ги претвориме во долгорочна соработка со сите поврзани субјекти, во правец на создавање на услови за развој на фудбалот, почнувајќи од најмладите  категории, па сѐ до професионалниот фудбал, изјави Филип Поповски, генерален секретар на ФФМ.

Одлуката за добивање вонредни средства од УЕФА „хет-трик“ програмата во висина од еден милион евра претходно официјално ја соопшти и високиот претставник на УЕФА, Зоран Лаковиќ, директор на одделот на Национални асоцијации на УЕФА.

-Комитетот на УЕФА за „хет-трик“ програма ги одобри овие вонредни средства затоа што сметаме дека вложувањето во инфраструктурата е неопходно и многу важно за развој на фудбалот, а предуслов за тоа се два битни принципи – реализација на претходните проекти од оваа програма и транспарентно и отчетно трошење на средствата. Ова е голема заслуга и на вашиот претседател, не само затоа што Илчо е голем профеционалец, туку затоа што секогаш се бори и се труди да обезбеди подобри услови за напредок на македонскиот фудбал. Ве повикувам и во иднина да бидете исто толку посветени и да вложувате во развој на фудбалот како што тоа го правевте во изминатиот период“, стоеше во изјавата на Зоран Лаковиќ. 




   
   
Актуелности
Календар

23 Окт

11:00 Шпанија - Фарски Острови
    У17 квалификации за Европско
15:15 Израел - Македонија
    У17 квалификации за Европско

26 Окт

14:30 Македонија - Фарски Острови
    У17 квалификации за Европско
14:30 Израел - Шпанија
    У17 квалификации за Европско

16 Ное

20:45 Лихтенштајн - Македонија
    УЕФА Лига на Нации

19 Ное

20:45 Македонија - Гибралтар
    УЕФА Лига на Нации
А репрезентација