Pas shpalljes së listës u mësua se Jovan Kostovski pësoi lëndim të rëndë në krahëror që si pasojë e pamundësoi t’i përgjigjet ftesës në ekipin përfaqësues, ndërsa reagon shpejtë stafi teknik që fton në vend të tij Krste Velkovskin nga rradhët e Sarajevës.

“Për fat të keq arriti vërtetim zyrtar se Jovan Kostovski nuk do të mund të luajë në ndeshjet e rradhës kualifikuese me Luksemburgun dhe Spanjën për shkak të një lëndimi serioz të krahërorit. Në vend të tij është ftuar Krste Velkovski nga KF Sarajeva i cili për momentin është në formë të shkëlqyeshme dhe vlerësojmë se do të përgjigjet në nivel të detyrës. Patjetër të theksoj se periudhën e kaluar kemi zhvilluar bisedime intenzive edhe me Ivan Triçkovskin që jo moti firmosi me Legian e Varshavës. Ai ka dëshirë të madhe të kthehet në ekipin përfaqësues, mirëpo për momentin nuk është i përgatitur si duhet fizikisht për t’iu përgjigjur detyrave që kërkon përfaqësuesja. Sinqerisht shpresojmë se së shpejti do të kthehet në formë dhe të mund të llogarisim te ai në ndeshjet e mbetura të këtij cikli kualifikues”, deklaroi menaxheri teknik i ekipit përfaqësues, Sasha Qiriq.

“Në pozitën e portierit të tretë kemi zgjedhur Daniel Bozhinovskin, para se gjithash për shkak të paraqitjeve të mrekullueshme për Rabotniçkin në ndeshjet e Liga Evropës. Do të doja të shfrytëzoj këtë mundësi për të përgëzuar gjithë futbollistët dhe stafin teknik të Rabotniçkit për sukseset e deritashme në këtë garë, ku prezantuan Maqedoninë në mënyrën më të mirë të mundshme. Shpresoj që gjithë futbollistët të kthehen të shëndoshë nga kjo transfertë e vështirë, ndërsa të ftuarit në përfaqësuese do të kenë elan shtesë për të dhënë maksimumin e tyre edhe për kombëtaren”, përfundoi menaxheri teknik i pëfaqësueses A të Maqedonisë, Sasha Qiriq.