Përfaqësuesja U21 e Maqedonisë me fitore kundër Ishujve Faroe ka nisur eliminatoret për Kampionatin Europian të vitit 2021. 

Shpresat e vendit fituan bindshëm 7:1 takimin që solli hat-trik të Dimitar Mitrovskit, dy gola nga Darko Çurlinov dhe nga një realizim të Erdon Dacit dhe Esmin Liçinas. 

Ndeshja nisi me epërsi befasuese të miqve që realizuan me penaltinë e Andreasenit në minutën e 19-të. 

Maqedonia U21 humbi dy mundësi të mira për gola para se në minutën e 27-të Mitrovski të sillte barazimin e merituar.

Vetëm pesë minuta më vonë Darko Çurlinov shënon gol të bukur për epërsi 2:1, ndërsa rezultatin e pjesës së parë 3:1 e vendosi Mitrovski një minutë para pauzës. 

Pjesa e dytë solli dominim të Maqedonisë U21 që menaxhoi të shënojë edhe katër gola. I pari që hapi serinë e golave në pjesën e dytë ishte Daci i cili në minutën e 59-të shënoi me kokë për 4:1, ndërsa edhe goli për 5:1 u shënua me kokë, me autor Liçinan në minutën e 62-të.