Maqedonia U 19 mund Belgjikën dhe kualifikohet në fazën elite për KE

Publikuar më 11 Ноември, 2017 Lajme, Deri më 19 vjet


Përfaqësuesja U 19 e Maqedonisë është kualifikuar në fazën elite të kualifikimeve të UEFA-së për Kampionatin Europian. Maqedonia fitoi 2:1 përballë Belgjikës në xhiron e dytë të turneut parakualifkues që mbahet në Shkup, duke festuar sukses historik të kësaj gjenerate.
Maqedonia U19 për herë të parë në histori do të luajë në kualifkimet e fazës elitare për Kampionatin Europian.
Futbollistët e rinjë të udhëhequr nga Vujadin Stanojkoviç zhvilluan ndeshje të shkëlqyeshme kundër Belgjikës e cila si favorit kryesor udhëtoi drejt Shkupit. Futbollistët belg e hapën më mirë ndeshjen dhe pas 10-të minutave lojë avansuan 1:0, mirëpo në vazhdim Maqedonia rezultoi rival më i mirë dhe me meritë shënoi fitore. Belgjika avansoi në minutën e 10-të me golin e bukur të Dam Fulon. Pas kësaj shanset e Maqedonisë para portës kundërshtare shtoheshin, mirëpo Mitrovski dhe Ferukovski nuk arritën të barazojnë. Iniciativa dha rezultat në minutën e 24 kur Darko Çurlinov harkon saktë në zonë, ndërsa Elif Elmas me kokë shënon për 1:1.

Deri në fund të pjesës së parë Maqedonia arriti të shënojë edhe një gol në rrjetën e belgëve, mirëpo realizimi i Mitrovskit u anulua për pozitë jashtë loje.
Starti i pjesës së dytë solli lojë dinamike të shpresave të vendit të cilët vazhduan të krijojnë seri shanses. Mundësi të dyfishtë kishte Çurlinov në minutat 47 dhe 51, mirëpo goditjet e tij shkuan mbi portë. Pastaj në minutën e 63-të Elmas provon me goditje për toke, por topi nuk pati forcën e duhur. Pak para fundit Belgjika mbetj me një lojtar më pak, pasi  me karton të kuq doli Verstrate shkaku i një starti të ashpër. Epërsinë numerike e shfrytëzoi Maqedonia në minutën e 87-të kur Çurlinkv fitoi penalti, ndërsa i saktë nga pika e bardhë ishte Jani Atanasov që shënoi për 2:1 dhe sukses historik të Maqedonisë.

MAQEDONIA U 19 - BELGJIKA U 19  2:1 (1:1)
(0:1 Fulon 10`, 1:1 Elmas 24`, Atanasov 87`)
UEFA kualifikime për Fazën elite për KE; xhiros së dytë
Qendra stërvitore "Petar Milloshevski" në Shkup
MAQEDONIA U19: 1. Hristijan Stefkovski, 2. Todor Todorovski, 3. Filip Antovski, 4. Mile Todorov, 5. Agon Rufati, 6. Filip Trajanovski, 7. Darko Çurlinov, 8. Jani Atanasov, 9. Elif Elmas, 10. Dimitar Mitrovski, 16. Marko Ferukovski; Seleksionues: Vujadin Stanojkoviç
BELGJIKA U19: 1. De Smet, 2. Sebastian Borno, 3. Andreas Bursen, 5. Dam Fulon, 6. Siben Devale 7. Tibo Verliden, 8. Lois Verstrat, Ksian Emer, 11. Indi Bonen, 13. Davin Lisen, 16. Sene Linen;
Seleksionues: Gert Verjen



   
   
Reprezentacioni A