Maqedonia dhe Finlanda luajtën ndeshje pa gola në “Gloria” Arena në Belek të Turqisë. Në ndeshjen kontrolluese përfaqësuesja e Maqedonisë kishte më shumë shanse për të shënuar, mirëpo pa gjetur rrjetën. Barazimi vlerësohet rezultat pozitiv me çka vazhdon seria pa humbje, duke kthyer tani më fokusin kah sfida e radhës kontrolluese me Azerbejxhanin më 27 mars poashtu në Turqi.

Maqedonia u kanos e para drejt portës së Finlandës. Fillimisht Ezgjan Alioski në minutën e gjashtë provoi nga gjuajtja e lirë, ndërsa menjëherë në vazhdim pas harkimit të Bardhit nga këndi, Nestorvoski u vonua në shtyllën e dytë.

Pohjanpalo në minutën e 11-të nuk ishte preciz në tentimin e parë të finlandezëve drejt portës së Dimitrievskit. Në minutën e 21 kombinim i shkëlqyeshëm i Bardhit dhe Ristovskit, ky i fundit harkon bukur, mirëpo Alioski nuk realizon me kokë. Në minutën e 39-të Bardhi harkon nga gjuajtja e lirë, ndërsa tentimi i Musliut me kokë pritet sigurtë nga portieri Hradecki. Mundësinë më të mirë për të hapur rezultatin e kishte Arian Ademi në minutën e 58-të kur përfitoi nga një top i dëbuar keq nga mbrojtja kundërshtare, doli vetë para portës, mirëpo Hradecki intervenoi shkëlqyeshëm, duke mohuar epërsinë e Maqedonisë. Në minutën e 64-t Nestorovski provoi nga 20-të metra, mirëpo sërish pret portieri finlandez. Tre minuta më vonë tentoi edhe kapiteni Pandev, mirëpo goditja e tij u bllokua.

Finlanda mundësinë më të mirë e kishte në minutën e 75-të kur Robin Lod nga pozita shumë ideale goditi skaj portës së Dimitrievskit.

MAQEDONI-FINLANDË 0:0

Ndeshje kontrolluese, “Gloria” Arena, Belek, Turqi

MAQEDONIA: 1. Stole Dimitrievski, 4. Kire Ristevski, 5. Arian Ademi, 6. Visar Musliu, 8. Ezgjan Alioski (87` Marjan Radeski 19), 10. Goran Pandev (88` Ivan Triçkovski 7), 11. Enis Bardhi (66` Boban Nikolov 16), 13. Stefan Ristovski (90` Kristijan Toshevski 2), 14. Darko Velkovski, 20. Stefan Spirovski (90` Gjoko Zajkov 3) 23. Ilia Nestorovski (79’Aleksandar Trajkovski 9);

Seleksionues: Igor Angelovski

FINLANDA: 1. Hradecki, 2. Arajuri, 4. Toivio, 7. Lod, 10. Puki, 11. Shiler, 13. Soiri (68` Jagubi), 14. Sparv, 15. Vaisanen, 17. Pirinen, 20. Pohjanpalo (48` Pelves)