A репрезентација жени: Несреќен пораз од Белорусија

Објавено на 26 Ноември, 2015 во А репрезентација жени

Во третото коло од квалификациите за европското првенство за жени Македонија го претрпе досега најболниот пораз од Белорусија со 0-2.

Нашата женска репрезентација покажа максимално ангажирана игра, особено во првото полувреме, но за жал без реализација на создадените шанси. 

Во првото полувреме Наташа Андонова двапати беше блиску до погодок од слободен удар, но не успеа да ја смести топката во противничкиот гол. Гентијана Рочи пак во 45та се најде очи во очи со голманот на Белорусија, но во клучниот момент нејзиниот удар беше блокиран.

Белоруската женска репрезентација успеа да реализира два пати од два удари кон нашиот гол, колку што имаа во второто полувреме. 

„Покажавме максимално ангажирана игра. Создадовме шанси, но немавме реализација. Шансите не се бројат по ваков натпревар, кога нема да дадеме гол нормално е да стигне казна од противникот.“ - изјави Ванчо Балевски, селекторот на женската А репрезентација.

За Македонија настапија: Донева, Милеска (Марковска 73'), С. Андонова, Рочи, Андреевска, Јаковска (Ристовска 86'), Н. Андонова, Костова, Бојку, Чубриновска (Салихи 68'), Ангеловска. 




   
   
Актуелности

15.09.2017    Вести

Влог во развој на женскиот фудбал во Македонија

Фудбалската Федерација на Македонија вложува во развојот на фудбалот во сите сегменти и нивоа од играта, и во таа насока...

Календар

06 Окт

15:00 Македонија - Србија
    У21 квалификации за Европско
20:45 Италија - Македонија
    А репрезентација квалификации за Светско

09 Окт

20:45 Македонија - Лихтенштајн
    А репрезентација квалификации за Светско
А репрезентација